AGURRA

Sarrera honetan lauhilabetean zehar egindako ibilbidea azaldu nahi dizuet baina letrak bakarrik erabili beharrean argazkiak ere partekatu dutut nire sentipenak, emozioak, beharrak eta abar zuei transmititzeko eta primeran uler dezazuen:

Oker ez banago Urriak 17an edo izan nuen lehen kontaktua irakasgai honekin, ez zen guztiz berria niretzako hala ere ez zitzaidan batere interesgarria iruditzen, egia esan, ez nengoen motibatuta.




Egunak aurrera joan ahala, informazio asko jasotzen hasi ginen, nahiko arraroa zen dena guretzat, ez genituen mugarik, hau da, galduta sentitzen ginen. Izan ere, inork ez zigun esaten zer egin behar zen eta zer ez, beraz, blokeatuta geunden.

Bakoitzak bere bloga eratu zuen, hasieran ez zitzaidan gustatzen ez nekielako erabiltzen, baina aitortu behar dut uste baino errazagoa dela blog bat sortzea eta nohizbehinka gauzak partekatzera "engantxatzen" duela. Oso erraza da bere funtzionamendua eta pozik sentitzen nintzen erabiltzen jakitearren.




Gauzak aldatu ziren google sites-a eraiki behar genuela kontatu zigutenean, ni oso pozik nenbilen blogarekin eta orain sitesa sortu beharra, zerotik hasi eta horrek dakarren guztia...Nire barnean sortu zen sentimendua ondoko irudiak oso ondo isladatzen du. Berriz ere, mendiaren tontorrera heltzeko mendi guztia igo beharra... Baina trastatzen hasi ginen gure barnean sentsazio hobeak sortzeko asmoz, hala ere, denbora pasatzen zen eta guk lan asko genuen egiteko. Galduta sentitzen ginen, denbora galtzen ari bagina. Gainera, ez genekien oso ondo zer egin behar genuen.




Egun baten gure gaia, Baliabide onak eta Praktika onak, aurrera ateratzeko ideia oso ona bururatu zitzaigun eta buru belarri lanean hasi ginen sites-a eta ondoren aurkezpena prestatzen.




Uste dut azkenean oso lan polita egin dugula bai nire taldeak baita praktikako talde guztiak ere, irakasgai honetan hainbat momentu txar baina beste hainbat on izan ditugu. Azken finean, denon artean lan polita egin dugula uste dut eta irakasgai honetan gauza asko ikasi ditut, gehien bat programa berriak eta plataforma berriak ezagutu eta erabiltzen ikasi dut, hau da, irakasleak garenean oso erabilgarriak izango diren baliabideak eta irakasgai hau izan baino aurretik ez nuen imajinatu ere ez egiten hainbeste zeudenik eta hain lagungarriak zirenik. 

Nire aburuz, mugarik ez edukitzeak eta askatasunak egin digu irakasgai honekiko erresistentziak jartzea, hau da, helburua lortzeko egunero zer egin behar den esan ez izanak oso galduta sentiarazi digu. Asko ikasi dut irakasgai honek jarraitu duen metodologiatik, nahiz eta hasieran ez gustatu. Gainera, hasieran ez nengoen batere motibatuta eta orain uste dut oso erabilgarriak direla IKTak umeentzako eta irakasleok horretaz jakin behar dugula eta benetan interesa dut gai honekiko.
 

KLASE PRAKTIKOA (Bederatzigarren astea)

Oraingo asteko klase praktikoetan aurkezpenen momentua izan da, klase guztiari hiruhilabetean zehar egindakoa aurkeztea tokatzen zen eta orokorrean oso ondo egon dira guztiak, azalpenez gain guk egiteko ariketa praktikoak egon dira, alderantziz planteatutako aurkezpenak...

Gehien gustatu zaidana teknografiak izan dira, klaseko batzuek gai hori jorratu dute eta oso gustuko izan dut akabuko emaitza bideo oso politak egin dituzte eta danok egin beharko genuke bat. Hemen uzten dizuet adibIderen bat: TEKNOGRAFIAK

Guk gure gaiaren aurkezpena egin dugu, praktika eta baliabide onak eta nire aburuz oso lan polita gelditu da amaieran, hainbat baliabide desberdinei buruz ikasi dut eta klasekideak parte hartu dezaten egin dugu, beraz, oso pozik nago lortutakoarekin. HEZITEKNIA. Hau da guk sortutako sites-a eta begiradatxo bat bota nahi  izanez gero hemen uzten dizuet URL-a. Ene aburuz oso lagungarria da eskolan IKT-ak erabiltzen hasiko den batentzako izan ere, baliabide askoreen inguruko azalpenak ditu, nola erabiltzen diren, zertarako diren, zer diren eta abar.

Horrez gain, eztabaida bat sortu da klasean, email bat badela eta ez dela, beraz, horrek zapore mingotsa utzi dit.

KLASE TEORIKOA (bederatzigarren astea)

Oso interesgarria iruditu zaidan blogei bukaera emateko era azaldu du gaur irakasleak: teoria klaseetan sortu diren ustekabeen inguruko hausnarketa. Izan ere, hainbat desadostasun eta arazo sortu izan dira hiruhilabetean zehar eta denaz pentsatzea ondo datorkigu danori. Hasieran nahiko galduta aurkitzen genuen guru burua eta ni behintzat aurkitu naiz. Baina ez dakidana oso ondo da zergatik jendea ez datorren klasera, batez ere azken aste hauetan, beraz, horren gogoeta egitea oso interesgarria eta aberasgarria izango da guretzat eta baita irakaslearentzat ere.

Horrez gain, dokumentatzaileen aurkezpenak ikusi ditugu, oso interesgarria izan da haiek egindako lana. Danok egindakoa aurkezpen baten batu dute eta horren azalpena eman digute. Uste dut danon lana ezinbestekoa izan dela irakasgai hau aurrera ateratzeko, kate bat izan da, nik hau egiten dut baina geroago zuei transmitituko dizuet zuk ikasi dezazuen eta alderantziz. Beraz, danok egin dugu esfortsua eta hori baloratzeko da.

Hemen uzten dizkizuet dokumentatzaileen sitesak begirada bat bota diezaiezuen, oso interegarriak dira, guztion lana laburbiltzen baitute.

• Dokumentatzaile 3
• Dokugunea
• Dokumentatzaileak 1
• Dokumentatzaileak

Zortzigarren astea

Oraingo astea modulu astea izan da, beraz ez dugu IKTko eskolarik jaso. Modulu laneko bideoa sortzeari eta antolatzeari ekin diogu. Gero eta hurbilago ikusten dugu lanaren bukaera eta oso harro sentitzen gara egindakoaz!!

Gatibu- Bizitzen badakit

Jarraian ikusten duzuen bideoan, irakaskuntzan beharrezkoak diren estrategiak azaltzen dira. Erraz uleretzen da bideoak transmititzen duen eta ene aburuz oso interesgarria da! Disfrutatu!!

Teaching inquiry learning

 

KLASE PRAKTIKOA (zazpigarren astea)

Oraingo astea nahiko arraroa da, praktika saio bat baino ez dugulako. Izan ere, bihar, laugarren mailakoek graduazioa dute eta horregatik unibertsitatea hamaiketarako itxi egingo da eta IKTko praktika gabe geldituko gara, hala ere, hurrengo astean errekuperatu behar izango dugu.

Hau guztia kontuan harturik, gaurko klasea topera aprobetxatu dugu, sites-arekin lanean jarraitu dugu, gero eta hobeto dago, izan ere, bi aste barru horren aurkezpena baitugu. Scoop it-a ere eguneratu dugu, bideo interesgarriak topatu ditugu. Blogarekin ere lanean ibili naiz, linkak nola sartu edo ez sartu eta azkenean lortu dut! Oso pozik nago egindako lanarekin eta nik npertsonalki mundu honetatik jaso ditudan ezagutzak eta aurrerapenak direla eta.

Bermatu, lotu, bilatu, aurki ezazu!

KLASE TEORIKOA (zazpigarren astea)

Gaurko klase teorikoko aurkezpenak oso interesgarriak iruditu zaizkit, batez ere, Eskola 2.0 ri erreferentzia egiten ziotelako. Horrez gain, aurkezpena egiteko, Pount on programa erabili dute eta horrek oraindik interesgarriagoak egin dituzte aurkezpenak. Oso baliabide interesgarria iruditu zait klasearen aurrean haien gaia aurkezteko eta nire barnean jakin mina sortu dit. Halaere, kontrako zerbait aipatzekotan, ez dio bat-batekotasunari lekurik uzten.

Aurkezpenei bukaera ematera gindoazenean, azkenengo taldeak galdera bat proposatu du, debatea sortzeko asmoz. Galdera bat proposatu dute bi irudiren bitartez:


Gure ustez zein da hobeagoa?

                                                          vs                                

Nire aburuz, ez da hobea ez txarragoa bata edo bestea. Biak dira aberasgarriak umeentzako baina kantitate jakin baten, ez da zertan muturrera eraman behar. Esan dudan bezala,  ez da bata edo bestea, baizik eta, biak baina umeen motibazioa bilatuz, haien onerako izango delako.

KLASE PRAKTIKOA (seigarren astea)

Aste honetako klase praktikoetan gure taldeko lanarekin jarraitu dugu. Sites-ak gero eta itxura hobeagoa du, informazio oso interesgarria partekatzen ari garelako, praktika onei eta baliabide onei dagokienez. Scoop it- a ere, sortu dugu, interesgarriak diren bideoak ikusteko. Beraz, oso pozik nago egiten ari garen lanarekin, aurrerantza goazela nabaritzen dut.

Gainera, bideo bat ere ikusi dugu, ondoreen publikatuko dudana, nire aburuz hausnarketa bat izatea eragiten dizu, oso interesgarria. Hizkuntza ez da gustatuko litzaidakena baina behintzat, subtitutuluak ditu eta arreglatu gara.

Sugata Mitra´s new experiments in self-teaching

Klase amaieran Alaitzek testu bat irakurri digu, kritika bat hain zuzen, irakasleek ikasleengandik sufritzen duten agresioen inguruko dramatizazioa dela eta, irakasleek pairatzen dituzten tratu txar psikologiko eta fisikoei dagozkien datuak ikaragarriak dira eta hori kritikatzen zen, ez zela hainbesterako.

KLASE TEORIKOA (seigarren astea)

Gaurkoan beste talde batzuei tokatu zaie klase teorikoan aurkezpenak egitea.  Nire aburuz, azalpen argiak eta interesgarriak eman dituzte, haiek saiatu dira gure atentzioa deitzen gu adi egoteko asmoz.

Gainera, oso erabilgarria iruditu zaidan metodologia bat erabili dute, hain zuzen, bideo bat egin dute irudi jakin batzuk lotuz eta haien ahotsa atzetik. Inoiz ez nuen horrelako gauzarik ikusi lehenago eta oso erakargarria iruditu zait. Tutorial bat aurkitu dut norbaitek nola erabiltzen den jakin nahi badu:  POWTOON

 

Hemen uzten dizuet oso interesgarria iruditu zaidan bideo bat.

Azkenengo 50 urteetan aspektu ekonomiko, kultural eta pertsonalean izugarrizko aldaketak egon dira munduan. Gaur egun, mundua askoz konplexuagoa da. Hala ere, hezkuntza sistemak ez du aldaketa txikienik ere egin bere programetan eta helburuetan. Zergatik aspertzen dira umeak eskolan? Zergatik ikasketak amaitzen dituztenean ez dakite zer gustatzen zaien eta zer egiten duten ondo?

El sistema educativo es anacrónico

KLASE PRAKTIKOA (BOSGARREN ASTEA)

Saio teorikoko aurkezpena eta hori lortzeko egin dugun lan guztia sitesera igo dugu. Oraindik ez dakigu oso ondo zelan erabiltzen den google sites baina gutxika-gutxika hobetzen goaz.

Gainera, gaurko zeregina sccop it bat edo delicious bat diseinatzea izan da, baina hori egitera gindoazenean hausnarketa sakon bat sortu da klasean. Guk, ikasleok, ez genuen oso ondo ulertzen irakasgai honen metodologia eta hori izan da hausnarketa eragin duena. Orokorrean, nahiko galduta  aurkitzen dugu gure burua nahiz eta gutxinaka-gutxinaka aurkitzen joan. Gure iritzia emateko nahiaz egon gara eta hortik debate antzeko bat sortu da.

Oso baliagarria izan da niretzako klasea, izan ere, ia denok hartu dugu parte guire iritzia emanez eta baita irakasaleak ere. Azken finean gure etorkizunean hau gertatu daiteke, ni, kasurako, prest nago nire etorkizuneko metodologia aldatzeko nire helburuak betetzen ez badira. Gainera, dokumentatzaileek grabatu dute, beraz, IKT-a ere islatuta agertu da guzti honetan.

Azkenean, metodologia honekin jarraituko dugula erabaki dugu, finean, uste dit oso baliagarria delako guretzako baina hau guztia gure galduta egotearen barne sentsazioak sortu du eta orain klase honen ostean esan dezaket "aurkituta" sentitzen naizela, hau da, nire buruan ideiak argiago ditut.

KLASE TEORIKOA (BOSGARREN ASTEA)

Gaurko saio teorikoan talde desberdinok aurkezpenak egin ditugu, gure klasekideei guk irakurritako testuei eta ikusitako bideoei buruz hitz egin diegu.

Gure gai nagusia ezagutzaren gizartea da. Honen inguruan, hiru testu eta bi bideo landu ditugu. Batez ere, berrikuntza teknologikoak gizartearengan duten eraginari buruzko testu eta bideoak dira, hauekiko dugun menpekotasunaz hitz egiten dute eta baita guregan gutxika-gutxika eragiten ari diren aldaketaz ere. Hain zuzen, gure bizimodu kulturalak aldaketa handia pairatuko du, liburuak moduko baliabideak alde batera utziz, teknologietarako dugun zaletasunagatik. 

Testuak irakurri eta ulertu ondoren, ideiak elkarri banatu, azaldu eta argitu ditugu, testuak komentatzen ibili gara gure iritzia emanez. Egia esan, nahiko ados agertu gara hirurok, bai testuekin eta baita gure artean ere. Gure aburuz, orokorrean, gero eta menpekotasun gehiegi agertzen dugu teknologia berriengan, eta oreka bat bilatu behar dugula uste dugu. Izan ere, informazio arlotik edota ezagutzaren esparrutik baliagarriak diren abantailak lor ditzakegu. 

Gure zereginekin hasi gara, lehenik eta behin, testuen laburpenei ekin diegu, horretarako hitz gakoak erabakita genituen, bertatik abiatzeko. Horrez gain, gure laburpenekin bat datozen irudiak aukeratu ditugu, hausnartzeko edo azalpen gisa. Behin hau bukatuta, gure ideia nagusiak power point batean islatu ditugu, hurrengo egunean gure baliabidea izango baita klasearen aurrean aurkezpena egiteko. Azkenik, gure lana dokumentatzaileei pasatuko diegu haiek gure lana ulertu eta baiezta dezaten. 

Testuak:

Sociedad de la información/ sociedad del conocimiento
Mas información, menos conocimiento
¿Sociedad de la información --> sociedad del conocimiento?

Bideoak:

Remove
Book

LAUGARREN ASTEA

Oraingo astea modulu astea izan da, beraz, modulu lanari ekin diogu. Kultura ondarea da modulu lanaren gai nagusia eta lau galdera hauetan oinarritzen da:

 1. GALDERA: Zer da kultura-ondarea? Zein kultura-ondare mota daude?

2. GALDERA: Zein da gure inguruneko kultura-ondarea?

3. GALDERA: Zertarako balio du kultura-ondareak? Zer ikasteko aukera eskaintzen digu?

4. GALDERA: Nola ezagutarazi/komunikatu behar zaio Lehen Hezkuntzako ikaslegoari gure ondarea?

 Horregatik lanari bideratutako astea izan da eta ez dugu IKT-ko eskolarik jaso.

KLASE PRAKTIKOA (hirugarren astea)

Heldu bezain pronto taldeka jarri gara, nire taldea, Larak, Asierrek, Aitorrek eta laurok osatzen dugu. Denon artean google sites bat osatu dugu eta oraindik ez dakigu oso ondo zein den jarraitu behar dugun bidea baina denbora pasa ahala, ziur oso baliagarria izango dela guretzako eta ondo egingo dugula.

Sortutako sitesak HEZITEKNIA du izena, Izen hori erabakitzearen arrazoia, hitz konposatu hori hezi eta teknologia hitzek osatzen dutela da. Guretzako teknologiak hezkuntzan, gaur egun daukan garrantzia baino askoz gehiago izan behar zukeen, beraz hori aldatzeko eta aurrera pausuak emateko prest gaude, jendeari baliabide eta praktika onei buruz hitz egiteko eta denon artean aurrera pausu bat emateko. Horregaitik, lanean jarraituko dugu, informazioa bilatuz, baliabide desberdinei buruz informatuz...gure helburua lortzeko asmoz.

KLASE TEORIKOA (hirugarren astea)

Gaurko egunean, lehenengoz, bideo bat ikusi dugu, visiones disruptivas de la educacion izenekoa. Maria Acaso hezkuntzaren eboluzioari buruz hitz egiten agertzen zen bideo horretan. Maria Acaso arte hezkuntzan espezializatutako irakasle eta ikertzaile espaniarra da.

Mariak bideoan azaldu dituen ideia nagusiak, "poder", "invisible", "información" eta "conocimiento " dira. Berak dioenez, hezkuntza disruptiva batean lan egin behar da, teknologia berriak  barneratu behar dira hezkuntza, twiter, skype, besteak beste. Horrez gain, teknika berriak erabili behar dira, musika arte contenporaneoa...

Ondoren ikus dezakezue ikusitako bideoa.

Visiones disruptivas de la educación

Hemen uzten dizuet oso interesgarria iruditu zaidan bideo bet. Batuz, guk ere lortu genezake, bidezko hezkuntza batengatik indarrak batu ditzagun!

Irauli ezazu hezkuntza sistema!

IRAKURGAIA: IKTak hezkuntza aireberritzeko aitzakia

Gaurko testu bat irakurri behar izan dugu, IKTak hezkuntza aireberritzeko aitzakia testua. Arestian esandakoarekin erlazionatuta dago, teknologiak duen garrantzia eta eragina hezkuntzan.

Azkenengo urteetan gure gizarteak izugarrizko aurrerapenak izan ditu arlo desberdinetan: ekonomian, kulturan eta abar baina aldaketarik nagusienak teknologian eman dira. Aurrera pausu handiak eman dira teknologiari dagokionez, hala ere, hezkuntzan ez da ezer aldatu. Logikoena hezkuntzak eta teknologiak bat egitea izango litzateke baina irakasleak duten baliabide eza eta prestakuntza eza da hori ez gertatzearen arrazoietako bat.

Gaur egun umeak, eskoletan, aspertu egiten dira, ez daude motibatuta. Atentzioa galtzearen arrazoi nagusia hauxe da: hezkuntzak ez duela inolako aldaketarik jaso bera inguratzen duenak izugarrizko eboluzioa izan duen bitartean. Teknologia berriek ikasleen aktibotasunean, talde lanean, gaien arteko eta errealitatearekiko loturetan eta motibazioan eragiten du.

Hezkuntzan, gauzak, orain dela 50 urte egiten ziren moduan egiten jarraitzen ditu gaur egun, eta normala da umeak aspertuta egotea. Haiek etxera doazenean interneten ibiltzen dira haiei atentzioa deitzen dielako baina denek ez dituzte baliabide berak eta badaude batzuk ez dutenak etxean internetik edo teknologia berrik, beraz, prestakuntza hori denei eskaini behar zaie eskolan denek izan behar dute eskubidea. Imajinatu ze garrantzi izango duen teknologia ume horiek nagusiak direnean gaur egun duen garrantzia ikusita. Beraz, honi guztiari konponbide arin eta baliagarria bilatu behar zaio.

Hauek dira nik proposatzen ditudan bi galderak:

• Hain lagungarriak badira teknologia berriak ikasleentzako haiek motibatuta sentitzeko eta haien sormena garatzeko adibidez zergatik ez du hezkuntzak eboluzionatzen eta eskola web 2.0 aplikatzen edo erabiltzen eskola guztietan?

• Zergatik irakasleak munduko pertsonarik inportanteenetarikoak izanda duten beharra dela eta ez dira gai teknologia berrien bidez lan egiteko, zergatik ez dugu jasotzen behar dugun beste jakintza horretarako?Ez ahal dago gure gizartea prestatua?

Hauek dira niretzako bost hitz gako: teknologia, hezkuntza, ikasleak, baliabide didaktikoak, IKT. Hemen uzten dizuet testua hobeto uler dezazuen aurkitu dudan eskema argi bat Garazi Aizpeoleak egindakoa:

KLASE PRAKTIKOA (bigarren astea)

Gaurkoan blogarekin lanean jarraitu dugu. Hau guztia, gutxika-gutxika forma hartzen ari da. Hasieran ia-ia blog bat zer zen ere ez nekien, eta are gutxiago nola sortzen zer ezta nola apaintzen zen. Baina momentu honetan nahiko enteratuta nabil, nire zalantzak argitu ditut eta trasteatzen ibili naizenez nire burua ondo ikusten dut eta gainera atsegina iruditzen zait blogaren kontu hau. Beraz, oso pozik nago mundu izagarri honetan aurrera pausu bat ematearren. 

Gustoko dudan abesti bat da jarraian jarriko dizuedana, abesti honek asko laguntzen dit kontzentratzeko eta gogor lan egiteko.

AIREA- ENKORE

KLASE TEORIKOA (bigarren astea)

Gaurkoa klase arraro samarra izan da, hogei baino ez gara klasean egon, LOMCE dela eta Espainiako sindikatuek proposatu duen grebagatik. Horregatik, denok egongo bagina egin ezingo genituzkeen gauzak egin ditugu: zalantzak galdetu, ideiak proposatu eta gure artean gehiago ezagutu.

Horrez gain, irakasgai honetan izango dugun metodologiaz aritu gara. Bi aukera proposatu dizkigu Alaitzek eta guk horietako bat hautatu dugu, ikasketa kolektiboa sustatzen duen aukera, erronka berria izango da guretzako. Metodologia desberdina da, lau talde dokumentatzaile egongo dira eta horiek besteon lana aztertu eta gu animatu beharko gaituzte. Aukera hau hautatzearen arrazoi nagusia hauxe da: Guk etorkizunean eskolak emango ditugu eta gure lan egiteko era gaur egunekoa baino askoz garatuagoa izatea espero dugu, baliabide teknologikoak erabiliz adibidez, horretarako ikasi behar dugu eta nire aburuz metodologia honek laguntza handia eskainiko digu horretarako. Denon artean lagunduko gara gure helburua lortzeko.

KLASE PRAKTIKOA (lehenengo astea)

K(i)likatik bloga trasteatzen ibili naiz, hortik, pasa den urteko ikasleek egindako blogak ikusi ditut. Beraz, lanetako bat imajinatu dut: blog bat eraikitzea. Normala den moduan, blog horien gai nagusia, hezkuntza da. Baina horrez gain hainbat gauza batzuk ere agertzen ziren. Arlo edo aspektu desberdinetako berriak, bideoak, haientzako interesgarria den edozer gauza. Denok desberdinak garen heinean, blogak ere desberdinak dira bakoitzak gure interesak eta gustuko gauzak ditugulako.

Ni pertsonalki, ez naiz oso aditua mundu honetan, berria da niretzat blogaren kontu hau baina nola egiten den jakiteko nahia sortu dit, beraz, gogoa dut. Aurten lan indibiduala izango da baina ez da guztiz indibiduala, denon artean konpenetratuko garelako eta besteen laguntza izango dugulako. Azken finean, pertsona bakoitzak gauza berdina era desberdinean ikusten du eta hori oso aberatsa da denok batera gauza handia sortu dezakegulako.

KLASE TEORIKOA (lehenengo astea)

Gaur IKT-ko lehen klasea izan dugu. Galduta sentitu naiz hasieran IKT-k zer esan nahi zuen ere ez nekien. Horretaz aparte, nahiko berria naiz teknologiaren mundu honetan. Gustatzen zaidana baino gehiago gustatzea gustatuko litzaidake eta badut jakin-mina irakasgai honengan. Azken finean, etorkizunean, nire ikasleak haientzat baliagarria den modu batera irakatsi nahi diet. Horregatik, gaur egun teknologiak garrantzi handia badu, ez dut imajinatu nahi haiek nagusiak direnean.

Klasea hasteko ikasgaiaren aurkezpena egin du irakasleak eta orokorrean nahiko galduta aurkitu gara denak, berria da guretzat. Hausnarketa zati bat ere izan dugu, begiak itxi, hankak zoruan finkatu eta irakasleak informatikari buruzko galdera batzuk egin dizkigu. Begiak zabaltzean burutik pasa zaigun guztia idatzi behar izan dugu paper batean. Nire kasuan praktiketan egon naizen eskolako ikasleak etorri zaizkit burura. Nire irakasleak ez zuen erabiltzen teknologiarik: ez arbel digitalik ezta ordenagailurik ez ezer. Nik imajinatu dut kontrakoa, haientzat baliagarria den zerbait nahi dudalako. Arbel digitalarekin eta baita informatika ematen imajinatu ditut.

Heme uzten dizuet interesgarria iruditu zaidan bideotxo bat eta nahi baduzue komentatu!!!

Koldo Saratxaga - Educación disruptiva